Nova web, deixamos este blog.

 

En NÓS MESMAS estamos de mudanza.
A partir de agora, a nosa web www.nosmesmas.org será o espazo principal desde o que compartir novas, actividades e contidos da asociación.

Durante moitos anos, o blog de Blogger de NÓS MESMAS foi unha ferramenta fundamental para comunicar, informar e deixar constancia do traballo realizado. Ese espazo acompañounos en moitas etapas, serviu para dar voz ás nosas accións e foi testemuña do camiño percorrido como asociación. Por iso, non desaparece:
👉 este blog seguirá dispoñible como arquivo de consulta das publicacións anteriores.

A partir de agora, con todo, abrimos unha nova etapa!

Un novo espazo para seguir avanzando

Co lanzamento da nova web
🔗 https://nosmesmas.org/
damos un paso adiante na nosa presenza dixital.

Este novo espazo nace coa vontade de:

• mellorar a accesibilidade á información,
• organizar mellor os contidos,
• facilitar a consulta das actividades,
• e seguir sendo un punto de encontro para persoas LGTBI+, familias, profesionais e entidades.

Queremos que a web sexa unha ferramenta viva, útil e clara, que acompañe o traballo que facemos no día a día e que reflicta os valores da asociación: diversidade, coidado, compromiso e comunidade.

O blog: un lugar para compartir

Desde agora, as novas publicacións aparecerán directamente nesta web, neste apartado de ACTIVIDADES. Aquí iremos compartindo:

• novas da asociación,
• información sobre programas e accións,
• reflexións,
• materiais de interese,
• e todo aquilo que consideremos relevante para a comunidade.

O antigo blog queda como memoria e arquivo.
A nova web convértese no presente e no futuro.

Seguimos, como sempre, ao pé, adaptándonos, mellorando e avanzando para continuar estando onde fai falta.

Grazas por acompañarnos tamén nesta nova etapa.
Seguimos 💜

Ler máis

Obradoiro Emprego 4.0

 

📢 Novo Obradoiro | Emprego 4.0: ChatGPT e Canva para destacar 🚀

Queres mellorar a túa procura de emprego empregando ferramentas dixitais e intelixencia artificial? Este obradoiro é para ti 👇

🧠 Que aprenderás?
Durante 2 horas aprenderemos, de forma práctica e dinámica, a utilizar ChatGPT e Canva para:
✔️ Crear e mellorar o CV
✔️ Redactar cartas de presentación
✔️ Potenciar o teu perfil profesional
✔️ Destacar nos procesos de selección

📅 Data: 13/11/2025
🕕 Hora: 18:00 h
📍 Lugar: Sede de Nós Mesmas
⏱️ Duración: 2 horas

📌 Inscrición previa obrigatoria AQUÍ

Non perdas a oportunidade de dar un paso máis cara ao emprego do futuro 💼✨

Ler máis

Inauguración exposición Rostros e Corpos B

 

Inauguración da exposición Rostros e Corpos B: unha celebración da diversidade e das identidades visíbeis

Onte vivimos un deses momentos que nos lembran por que existe Nós Mesmas: para crear espazos onde a diversidade afectivo-sexual e de xénero non só se respecte, senón que se celebre. A inauguración da exposición “Rostros e Corpos B” encheu a sala de cores, emocións e moitas ganas de compartir experiencias arredor da bisexualidade e das identidades plurisexuais.

Esta mostra nace coa intención de ruptura e reivindicación. A través dunha serie de fotografías a través da camara de Moni  Kuti e a ollada da curadora Paola O. Velasquez e testemuños persoais, “Rostros e Corpos Bi” pon o foco en vidas reais: corpos que habitan fronteiras, rostros que rompen silencios e miradas que reclaman ser recoñecidas máis alá de estereotipos.

Durante o acto de apertura tivemos a ocasión de entrevistar a varias das persoas participantes, que falaron da importancia de construír referentes visíbeis dentro da comunidade bisexual pero tamén da importancia, a nivel persoal que tiña participar nun acto tan visible como este. Tamén abordaronse temas como a bifobia, a hipervisibilización e invisibilización simultáneas, e a necesidade de crear espazos seguros onde todas as identidades poidan sentirse acompañadas.

Como "guinda" para o acto, disfrutamos da marabillosa actuación de Sara Casas en directo, que nos fixo bailar, cantar e emocionarnos.

A exposición estará dispoñible durante as próximas semanas, e desde Nós Mesmas queremos convidar a toda a comunidade a achegarse, gozar da arte e, sobre todo, reflexionar sobre a pluralidade das nosas vivencias.

Esta exposición será itinerante, queremos rachar a bifobia a golpe de visibilidade, polo que se tes interese en que se expoña no teu local/centro social ou centro educativo, contáctanos!

Porque somos moitas, somos diversas e estamos aquí.
“Rostros e Corpos B” é un recordatorio de que cada identidade merece ser vista.

Esta exposición foi posible pola financiación recibida a través do Convenio con Colectivos LGTBI e a Consellería de Política Social e Igualdade da Xunta de Galicia.

Ler máis

+Visibles -Violencia: Visibilidade e Transformación Colectiva

🎉 Anunciamos con ilusión o lanzamento da nova edición de +Visibles – Violencia: Visibilidade e Transformación Colectiva (2025-2026), un programa integral de prevención, atención e visibilización das violencias específicas que sofren as lesbianas*, bisexuais, trans, intersex e persoas NB en Galicia.

Este proxecto ofrece apoio psicolóxico e asesoramento xurídico especializado e incorpora como novidade un mapeo participativo das vivencias e necesidades das lesbianas vítimas de violencia de xénero*, co obxectivo de identificar obstáculos, recoller experiencias invisibilizadas e xerar propostas útiles para mellorar os recursos e respostas institucionais.

Un ano máis, tamén impulsaremos un espazo de visibilidade cultural e política: o II Festival cultural “Bolleras, viciosas, travestis e marimachas: xa non temos medo, temos hachas”, no marco do Día da Visibilidade Lésbica. Será un lugar para o encontro, a celebración e a transformación colectiva a través da arte, a música, a performance e a palabra.

📌 Este programa está financiado pola Eurocentralasian Lesbian Community (EL*C) co apoio da Unión Europea.

👉 Con máis tempo, experiencia e recursos, seguimos construíndo un camiño común: máis visibles, menos violencia.

📧 Para máis información ou contacto: nosmesmaspsicoloxia@gmail.com  //  nosmesmasxuridico@gmail.com

🌐 Síguenos en redes: IG @asociacion_nosmesmas   //  Fb  @asociacionnosmesmas

A EL*C emprega a palabra “lésbica” (L*) como un termo paraugas, amplo e inclusivo, que inclúe a todas as mulleres lesbianas, bisexuais e queer (tanto cisxénero como trans), así como ás persoas non binarias e intersex que se sintan vinculadas coa identidade lésbica e co activismo lésbico. Un activismo queer que loita polas identidades non hexemonicas, utilizando un termo que, aínda en estados como o noso está moi aceptado socialmente, en moitas outras zonas xeopolíticas, está denostado, incluso criminalizado e non é posible mostrarse libremente.
 

Ler máis

A Diversidade +, comezamos!!

Chega A Diversidade +: un programa gratuíto para acompañar, formar e crear comunidade LGBTI+

En Nós Mesmas empezamos o curso con moita ilusión e cun proxecto que nace para fortalecer aínda máis a nosa comunidade. Presentamos A Diversidade+, un programa gratuíto que se desenvolverá entre setembro e decembro, pensado para ofrecer apoio integral a persoas LGBTI+ e para crear novos espazos de encontro, formación e acompañamento.

🤝 Acompañamento e asesoramento social

Sabemos que navegar a vida sendo parte do colectivo LGBTI+ pode ser complexo, por iso en Diversidade+ ofrecemos asesoramento e acompañamento social personalizado, pensado para resolver dúbidas, orientar en situacións de vulnerabilidade e facilitar recursos que melloren o benestar de cada persoa. Un espazo seguro onde sentirte escoitada, recoñecido e acompañada.

⚖️ Apoio xurídico accesíbel: microformacións e A Avogada Responde

O programa inclúe tamén un itinerario de apoio xurídico, fundamental para entender os nosos dereitos e saber como exercelos.

• Teremos microformacións breves e prácticas sobre temas legais relevantes para o colectivo.

• E cada certo tempo realizaremos directos de “A Avogada Responde”, un espazo aberto para facer preguntas e recibir orientación profesional de maneira directa e clara.

☕ Espazos para socializar:  as Tardes de CuirKfé

Sabemos que crear comunidade tamén é crear momentos compartidos. Por iso, unha vez ao mes celebraremos as Tardes de CuirKfé, unha actividade pensada para coñecer xente nova, conversar, compartir vivencias e reforzar vínculos nun ambiente seguro, diverso e acolledor.

⭐ Un programa feito por e para a comunidade

A Diversidade + é un proxecto que quere sumar: sumar apoio, sumar coñecemento e sumar espazos onde sentirnos acompañadas, libres e orgullosas. Todo o programa é totalmente gratuíto, grazas ao compromiso de Nós Mesmas coa construción de redes de coidado reais.

Se formas parte do colectivo LGBTI+ ou queres achegarte á nosa comunidade, estás convidada. Ao longo dos próximos meses iremos anunciando datas e actividades — segue atenta ás nosas redes e ao blog para non perder nada!

Este programa está parcialmente financiado pola:

e pola:

Ler máis

Como nos financiamos?

 

Para poder realizar a labor social que facemos a diario, precisamos recursos, económicos e materiais. Un recurso imprescindible é contar cun espazo onde estar, onde atender, realizar actividades, atoparnos, contar cun espazo seguro...isto é posible pola procura de subvencións que cubren parte do que implica ter un local (aluguer, facturas, seguros...).

Acabamos de coñecer a concesión da axuda dirixida ás asociacións de mulleres para consolidar o movemento asociativo das mulleres galegas, parte da Dirección Xeral de Promoción da Igualdade da Xunta de Galicia. 

Como resultado da convocatoria, contamos cunha subvención de 5000€ aprobada para un gasto executado de 8944,29€-

Cada aportación conta e todas son precisas, podes colaborar asociándote con cotas anuais moi flexibles e cómodas, contáctanos ou asociate directamente no link da parte superior do blog! 

Ler máis

Obradoiros de verán: como mellorar e reparar as nosas relacións

 En Nós Mesmas poñemos en marcha un ciclo de Obradoiros de Verán pensados para mellorar a saúde relacional a través da comunicación efectiva, a asertividade e a resolución de conflitos.

Sabemos que comunicarse non sempre é doado: ás veces falamos de forma moi brusca ou demasiado pasiva, outras veces calamos o que sentimos por medo a molestar, ou fuximos dos conflitos porque non sabemos xestionalos. Estes obradoiros ofrecen un espazo seguro e práctico no que aprender novas ferramentas e poñelas en práctica xunto a outras persoas.

👉 Os obradoiros serán impartidos pola nosa psicóloga, que acompañará o grupo nun proceso vivencial e dinámico.

📌 Calendario de obradoiros

• 15 de xullo | Comunicación Non Violenta (CNV) e escoita activa
  Aprende a expresar necesidades e emocións sen xuízos nin agresividade, ao tempo que desenvolves unha escoita máis atenta e empática.

• 22 de xullo | Asertividade e expresión emocional
  Descubre como comunicarte de forma clara e respectuosa, atopando un equilibrio entre a pasividade e a agresividade.

• 29 de xullo | Resolución de conflitos
  Integra as aprendizaxes anteriores para afrontar desacordos e conflitos dun xeito construtivo, con confianza e novas estratexias.

📍 Información práctica

• Horario: de 11:00 a 13:00

• Lugar: Nós Mesmas, Rúa do Conde de Torrecedeira, 19 baixo

• Inscricións: prazas limitadas → inscríbete a través do noso Linktree ou escribindo a nosmesmas@felgtbi.org

• 💡 Non é preciso asistir aos tres obradoiros, pero se participas en todo o ciclo terás unha visión máis completa e integradora.

✨ Un programa para mulleres LBT

Estes obradoiros forman parte do programa “Para Nós: Servizo Integral de Atención a Mulleres LBT”, no que ofrecemos atención psicolóxica, familiar, social, laboral e xurídica a mulleres lesbianas, bisexuais e trans.

📢 O programa está financiado pola subvención a entidades de iniciativa social para programas dirixidos a mulleres en situación de especial vulnerabilidade, cofinanciado pola Unión Europea – Fondos Europeos e a Consellería de Política Social e Igualdade da Xunta de Galicia.

Ler máis